អត្ថប្រយោជន៍នៃការទទួលផ្លែមង្ឃុត ដែលល្អសម្រាប់សុខភាព

រដូវកាលនេះ ជារដូវដែលផ្លែមង្ឃុតទុំហើយ តោះចូលរួមអានទាំងអស់គ្នាអំពីអត្ថប្រយោជន៍ដែលទទួលបានពីការទទួលទានផ្លែមង្ឃុតដូចតទៅនេះ៖

មង្ឃុត ជាផ្លែឈើមួយប្រភេទដែលសម្បូរទៅដោយវីតាមីន និងផ្ទុកសារជាតិរ៉ែសំខាន់ៗយ៉ាងច្រើនដូចជា ម៉ាញ៉េស្យូម ដែក សាំងកាសី និង ប៉ូតាស្យូម និងវីតាមីន B C និង E ជាដើម។

អត្ថប្រយោជន៍ទាំង ១៣ យ៉ាង ដែលទទួលបានពីផ្លែមង្ឃុត៖ 

១) ជាតិកាកសរសៃ (fiber) ក្នុងផ្លែមង្ឈុត ជួយទប់ស្កាត់មិនឱ្យអ្នកទទួលទានប្រឈមនឹងជំងឺធាត់ និងលើសទម្ងន់។

២) ជួសជុលគ្រឿងក្នុងសារពាង្គកាយឲ្យបានល្អឡើងវិញ រួមទាំងប្រឆាំងនឹង វីរុស និង បាក់តេរី ដូចជាជំងឺគ្រុនក្តៅ និងផ្តាសាយធម្មតាជាដើម។

៣) បង្កើនកោសិកាឈាមក្រហម និងជួយការពារកុំឲ្យកើតជំងឺខ្វះឈាម ធ្វើឱ្យឈាមរត់បានស្រួល ជួយទប់ស្កាត់បញ្ហាប្រឈមមុខនឹងជំងឺគាំងបេះដូង ការកើនឡើងជាតិខ្លាញ់ និងការឈឺចុកចាប់ត្រង់ទ្រូងជាដើម ។

៤) កាត់បន្ថយជាតិខ្លាញ់ក្នុងរាងកាយ។

៥) ជួយទប់ស្កាត់បញ្ហាប្រឈមនឹងរបេង និងជំងឺឆ្លងផ្សេងៗទៀត ប្រឆាំងនូវ បាក់តេរីច្រើនប្រភេទ ហើយវា អាចជួយឲ្យ ប្រព័ន្ធសុំាក្នុងរាងកាយខ្លាំងក្លា ។

៦) ជម្រុញដល់ការជួសជុលកោសិកាដែលងាប់ និងការពារពីការកើតជំងឺមហារីក និងជំងឺនានា ដែលទាក់ទងនឹងសរសៃឈាម និងបេះដូង។

៧) ប្រឆាំងនឹងជំងឺដាច់សរសៃឈាម ការពារមិនឱ្យលើសសំពាធឈាម និងការស្លាប់មួយចំហៀងខ្លួន ដែលបណ្ដាលមកពីលើសសម្ពាធឈាម។

៨) ជំនួយដល់សុខភាពឆ្អឹង ដែលជួយប្រឆំាងនឹងការរលាកសន្លាក់ (ពិសា ២ ទៅ ៣ ផ្លែក្នុងមួយថ្ងៃ)។

៩) ជំនួយដល់ប្រព័ន្ធចងចាំ ប្រឆាំងនឹងជំងឺភ្លេចភ្លាំង ឬវង្វេងវង្វាន់ពេលចាស់ជរា ។

១០) ជំនួយដល់សុខភាពស្បែក ធ្មេញ មិនឱ្យឆាប់ចាស់ និងខូច រួមទាំងជួយថែរក្សាស្បែកដូចជា ការពារ ពីជំងឺមុន ជំងឺស្បែកស្ងួត និង រលោកស្បែកផងដែរ។

១១) ប្រឆាំងនឹងរ៉ាឌីកាល់ ដែលធ្វើមនុស្សមានអារម្មណ៍តានតឹង។ 

១២) ជួយសម្រួលកម្រិតអង្គបដិបក្ខ ការពាររាងកាយឲ្យមានតុល្យភាព ធ្វើឲ្យបន្ថយអាការពាក់ព័ន្ធនឹងប្រតិកម្មបដិបក្ខខ្លួនឯង និងការរលាក ដូចជា ខ្សោយថ្លើម ខ្សោយតម្រងនោម ទឹកនោមផ្អែម រលាកសន្លាក់ លើសឈាម ជំងឺផាគីនសាន់ (Parkinson) ជំងឺក្រពេញទីរ៉ូអ៊ីដ និងភាពខុសប្រក្រតីរបស់ខួរក្បាល ដែលបណ្តាលមកពីការរលាកជាដើម ។

១៣) មង្ឃុតផ្ទុកសារធាតុមានប្រសិទ្ធភាព និងមានសុវត្ថិភាពខ្ពស់ គឺសារធាតុជីអឹម-១ (GM) ដែលគេអាចយកទៅប្រើជាសមាសធាតុផ្សំរបស់គ្រឿងសម្អាង សម្រាប់អ្នកមានបញ្ហាសភាពស្បែករ៉ាំរ៉ៃ ដោយសារមុន និងអាការប្រតិកម្ម។

ចំណាំ៖ បើទោះបីជាផ្លែមង្ឃុតផ្ដល់អត្ថប្រយោជន៍ចំពោះសុខភាពច្រើនមែន តែយើងមិនគួរទទួលទានច្រើនពេកនោះទេ ព្រោះវាអាចបណ្ដាលឱ្យមានជាតិពុលក្នុងថ្លើម តម្រងនោមប្រឈមជំងឺមហារីក បន្ថយបរិមាណគ្រាប់ឈាមស និងធ្វើឱ្យប្រព័ន្ធការពាររាងកាយចុះខ្សោយ។ 

រៀបចំដោយ #SharedKnowledgeHealth

ដកស្រង់ចេញពីគេហទំព័រក្នុងស្រុក សុខក្រម (Sokhakrom)